Agasalla cerámica galega no Día da Nai
Hai agasallos que se escollen con présa e outros que nacen doutro lugar: da memoria, do coidado, da vontade de dicir “pensei en ti” sen precisar demasiadas palabras. No Día da Nai, regalar cerámica galega é un xeito de voltar ao esencial: ás mans, á casa, á mesa compartida, á aldea e a esa maneira tan nosa de coidar a través das pequenas cousas.
En Raposiñas facemos cerámica galega dende a aldea: pezas utilitarias e decorativas inspiradas na horta, no mar, na memoria da casa e na natureza galega.
Agasallos con sentido
Fronte aos agasallos impersonais, a cerámica ten presenza. Ten textura. Conserva pequenas variacións que fan que cada peza sexa única. Non busca a perfección industrial, senón unha beleza máis honesta: a que nace do proceso, do lume, da arxila e do tempo.
En Raposiñas entendemos a cerámica galega como unha linguaxe para pensar o territorio. Traballamos con materiais e procesos responsables, transformando a materia a altas temperaturas, imitando o facer da natureza ao longo do tempo.
Por iso as nosas pezas son visuais, pero tamén táctiles. Están pensadas para que habiten a vida cotiá: para unha mesa de domingo, un café lento, unha cociña chea de luz…
Colección Lomba: a xeometría da horta
A Colección Lomba é unha das propostas máis especiais para regalar no Día da Nai. É o noso primeiro xogo de pezas utilitarias de gres e nace de observar o crecemento da horta a través dun prisma xeométrico.
Ten inspiración na olaría tradicional galega e tamén na cerámica xaponesa. Dúas miradas que dialogan arredor da sinxeleza, da funcionalidade e do respecto pola materia.
Lomba é un conxunto de cuncas, pratos e vasos onde os diferentes tamaños se superpoñen. Poden ser decorativos e funcionais ao mesmo tempo, Ademais, Lomba é tamén o nome da nosa aldea. E unha lomba é un montículo, unha elevación do terreo, unha pequena forma de outeiro ou ladeira. Por iso estas pezas evocan a paisaxe: a terra que sobe, a horta que medra, os volumes suaves que lembran o rural galego.
Regalar Lomba é regalar un xeito de voltar á casa.
Colección Mersé: o mar nas mans
Se a Colección Lomba mira cara á horta e á aldea, a Colección Mersé mira cara ao mar. Mersé é un proxecto de cerámica hiperrealista, de escala alterada, que dá conta da vida presente no mar e nas praias das Rías Baixas.
É unha colección aberta no tempo, á que imos incorporando novas pezas decorativas e utilitarias. Pezas que falan da ribeira, das texturas mariñas, da observación lenta e da beleza que aparece cando miramos con atención aquilo que sempre estivo aí.
Para nais vencelladas ao mar, á praia, ás Rías Baixas ou á memoria dos veráns galegos, Mersé pode ser un agasallo moi especial. Unha maneira de levar un fragmento da paisaxe á casa, sen perder o vínculo coa artesanía e co oficio.
Tarxetas agasallo: unha experiencia no obradoiro
Ás veces, o mellor agasallo non é unha peza rematada, senón a posibilidade de facela. Por iso as nosas tarxetas agasallo están pensadas para quen procura unha experiencia creativa nun obradoiro cerámico activo, onde cada persoa traballa dende os seus propios intereses, sen présa e sen fórmulas pechadas.
O curso de iniciación á cerámica artística de Raposiñas baséase no acompañamento técnico personalizado, dentro dun grupo reducido. Non é preciso ter experiencia previa e todos os materiais están incluídos.
Aquí non se trata de copiar modelos. Trátase de entender os procesos, experimentar e deixar que a creatividade se desenvolva de maneira natural.
Durante o curso traballamos técnicas fundamentais da cerámica artística, como o urdido de rolos e placas, a decoración con engobes, vidrados, técnicas de terceiro lume e tamén a creación de modelos e moldes sinxelos.
Para unha nai creativa, curiosa ou con ganas de regalarse tempo, unha experiencia no noso obradoiro pode ser unha forma preciosa de reconectar coas mans.
A cerámica como xeito de coidado
Hai algo profundamente maternal na cerámica. Primeiro, porque xorde da terra. Despois, porque require paciencia. E tamén porque acompaña os xestos máis cotiáns: almorzar, servir, compartir, gardar, ofrecer.
As pezas cerámicas forman parte da vida sen facer ruído. Están nunha cunca que se usa cada mañá, nun prato que aparece nas comidas familiares, nun vaso que se escolle porque encaixa ben na man. Igual que tantos coidados, a súa presenza é discreta, pero sostén moito.
Por iso, regalar cerámica galega no Día da Nai é tamén regalar unha maneira de lembrar: que o útil pode ser fermoso, que o feito á man ten alma e que os obxectos gardan historias.
Raposiñas: cerámica galega feita na aldea
En Raposiñas defendemos unha cerámica ligada ao territorio, á natureza e aos procesos lentos. Facemos pezas dende a aldea, observando o que nos rodea: a horta, o mar, a ribeira, a choiva, a casa, a memoria…
Neste Día da Nai, convidámoste a escoller un agasallo con sentido. Unha peza da Colección Lomba, un fragmento mariño da Colección Mersé ou unha tarxeta agasallo para vivir a experiencia da cerámica dende dentro.
Porque hai moitas formas de dicir grazas. E unha delas pode ser a través dunha peza de cerámica galega, feita con calma, coas mans e dende a aldea.
Raposiñas: un obradoiro cerámico rural onde a terra se transforma en memoria
Un obradoiro cerámico rural con raíces na terra
Raposiñas é un obradoiro cerámico rural. Un taller situado fóra do contorno urbano, onde a creación nace da paisaxe e a contemplación..
Deseñamos a partir de conceptos como a casa, a horta e o xogo. A memoria. O mar e a ribeira. A choiva e a seca. O global e o local.
Fronte á produción acelerada, defendemos a cerámica como oficio e práctica artística conectada á natureza. Porque a cerámica, antes de obxecto, formou parte da terra.
A técnica dos procesos xeolóxicos
No noso obradoiro cerámico rural traballamos con materiais e procesos responsables.
As nosas coccións replican artificialmente procesos xeolóxicos: mesturamos compostos minerais e enfornámolos a altas temperaturas, transformando a materia do mesmo xeito que o fai a natureza ao longo do tempo.
A arxila cambia, endurécese, mineralízase. A peza garda a memoria deste proceso.
Queremos que a relación coas nosas pezas sexa unha experiencia visual pero, sobre todo, táctil. Experimentamos con revestimentos suaves, con carácter e altamente sensitivos. Formas de liñas sutís e orgánicas con decoracións primixenias de tacto pétreo.
Explorar a cerámica dende o rural
Ser un obradoiro cerámico rural non é só unha localización: é un posicionamento creativo, cultural e político.
Nun contexto no que a cerámica se asocia cada vez máis a contornos urbanos e conceptuais, reivindicamos o seu vínculo profundo coa terra, co cultivo, co clima e cos ciclos naturais.
Somos pequenas produtoras. Traballamos co propósito de embelecer o cotío dun xeito sostible.
Podes coñecer máis sobre o noso obradoiro no portal oficial de Artesanía de Galicia.
Colección Lomba: a xeometría da horta
Lomba é o noso primeiro xogo de pezas utilitarias de gres.
Xorde de observar o crecemento da horta a través dun prisma xeométrico. Ten inspiración na olaría tradicional galega e tamén na xaponesa.
É un conxunto de cuencos, pratos e vasos onde os diferentes tamaños se superpoñen, podendo ser decorativos e funcionais ao mesmo tempo.
Unha lomba, ademais de ser o nome da nosa aldea, é un montículo, unha elevación do terreo, evocando formas de outeiro ou ladeira.
Colección Mersé: o mar en escala alterada
Mersé é un proxecto de cerámica hiperrealista, de escala alterada, que dá conta da vida presente no mar e nas praias das Rías Baixas.
É un conxunto aberto no tempo, ao que imos incorporando novas pezas decorativas e utilitarias.
Por que traballar a arxila?
Traballar a arxila é aceptar os seus tempos.
É comprender o material, agardar as coccións, asumir a transformación. Un diálogo constante entre a natureza, os minerais, as persoas, as mans e o lume.
No noso obradoiro cerámico rural, cada peza nace dese equilibrio entre oficio e natureza. Non buscamos a perfección técnica, senón a autenticidade do facer con conciencia.
Defendemos que os obxectos que nos acompañan no cotío poden chegar a ser un xeito de paisaxe.
Curso de cerámica en Galicia para agasallar en San Valentín
Agasallar un curso de cerámica en Galicia é ofrecer algo máis ca un obxecto: é regalar tempo, experiencia e creatividade. En Raposiñas propoñemos un xeito distinto de achegarse á cerámica, atendendo e compartindo procesos, experimentando materiais e técnicas, xerando actividade dende a aldea.
As nosas tarxetas agasallo están pensadas para quen procura un agasallo con sentido: unha experiencia creativa nun obradoiro cerámico activo, onde cada persoa traballa dende os seus propios intereses, sen présa e sen fórmulas pechadas.
Por que escoller o obradoiro Raposiñas?
O curso de iniciación á cerámica artística baséase no acompañamento técnico personalizado, dentro dun grupo reducido, no que cada participante pode explorar ao seu ritmo. Non é preciso ter experiencia previa e todos os materiais están incluídos.
Aquí non se trata de copiar modelos, senón de entender os procesos, experimentar e deixar que a creatividade se desenvolva de maneira natural.
Que se aprende no noso curso de cerámica en Galicia?
Durante o curso traballamos con técnicas fundamentais da cerámica artística:
Urdido de rolos e placas
O urdido é unha técnica manual tradicional que consiste en construír a peza pouco a pouco engadindo e beliscando rolos de barro.
- No urdido de rolos, vanse superpoñendo e unindo rolos de arxila para crear volumes.
- No traballo con placas, a arxila esténdese en láminas que logo se cortan e ensamblan.
Estas técnicas permiten comprender a estrutura da peza, o equilibrio, as tensións do material e a relación directa entre a atención, as mans e a forma final.
Decoración cerámica
Traballamos a decoración como parte diferenciadora da peza:
- Engobes
- Vidrados
- Baixo e sobrecuberta
- Técnicas de terceiro lume
Sempre cun enfoque técnico e experimental, entendendo como inflúen na dureza, acabados e emprego cotián dos obxectos.
Modelos e moldes sinxelos
Introducimos tamén a elaboración de modelos e moldes cerámicos básicos, abrindo a porta á repetición controlada e á investigación formal.
Creatividade, natureza e sustentabilidade
En Raposiñas deseñamos a partir de conceptos ligados ao territorio e á experiencia vital: a casa, a horta, o xogo, a memoria, o mar e a ribeira, a choiva e a secura, o global e o local.
A cerámica convértese así nunha linguaxe para pensar o mundo, non só nun resultado decorativo.
Traballamos con materiais e procesos responsables. As nosas coccións imitan procesos xeolóxicos: mesturamos compostos minerais e enfornámolos a altas temperaturas, transformando a materia do mesmo xeito que o fai a natureza ao longo do tempo.
Buscamos que a relación coas pezas sexa visual, pero sobre todo táctil. Experimentamos con revestimentos suaves, sensibles, con carácter, que convidan a tocar e a usar.
Un obradoiro auténtico
Raposiñas non é unha escola masiva nin un espazo turístico. É un obradoiro en funcionamento, cunha traxectoria sólida e un equipo con formación artística, técnica e de xestión:
- Loaira Pérez Pérez, ceramista formada en deseño, conservación, Belas Artes e cerámica artística e funcional e experiencia en distintas técnicas artísticas.
- Abelardo Pérez Santiago, especializado en debuxo técnico, deseño industrial e modelado manual e dixital.
- Ismael Pérez Fernández, responsable da xestión, cunha ampla traxectoria no ámbito empresarial e educativo.
Esta combinación permite ofrecer un curso de cerámica en Galicia serio, rigoroso, humano e inscrito en Artesanía de Galicia, onde técnica e creatividade van da man.
Un agasallo diferente para San Valentín
As tarxetas regalo de Raposiñas son unha invitación a parar, conectar coa atención e co material. Un agasallo para compartir ou para vivir de maneira individual, afastado do consumo inmediato e próximo ao saber facer.
Aprender cerámica non é só aprender unha técnica nova: é vivir unha experiencia sensorial, creativa e sostible, nun obradoiro que entende a cerámica como oficio, como arte e como práctica do xeito estar no mundo.
Cursos de cerámica en Galicia: decoración con engobes, vidrados e técnicas de terceiro lume
Nos nosos cursos de cerámica en Galicia, a decoración non é só un complemento estético: é parte esencial do proceso técnico e da definición funcional das pezas. O tratamento das superficies mediante engobes, vidrados e técnicas de terceiro lume permite controlar non só a cor e a textura, senón tamén a resistencia, a impermeabilidade e o comportamento da peza no uso cotián.
Engobes
Os engobes son barbotinas coloreadas, elaboradas a partir de arxilas mesturadas con óxidos ou colorantes cerámicos (mesturas de compostos minerais). Aplícanse sobre a superficie da peza antes da cocción, o que posibilita unha ampla variedade de efectos plásticos e cromáticos.
– Poden aplicarse por inmersión, pincel, vertido ou aerografía, segundo o acabado desexado.
– O resultado adoita ser mate ou satinado, con gamas cromáticas suaves e naturais.
– Utilízanse tanto en pezas decorativas como utilitarias, e permiten xogar coa superposición de capas e o contraste coa cor da arxila base.
Vidrados
O vidrado constitúe un recubrimento vítreo que, tras a cocción, impermeabiliza e confire resistencia mecánica á peza, ademais de dotala de diferentes acabados estéticos.
– Existen vidrados transparentes, que deixan ver a decoración subxacente, e opacos, que cobren completamente a superficie.
– Permiten obter acabados brillantes, mates ou satinados, así como efectos especiais segundo a súa composición.
– Son imprescindibles para a cerámica de uso alimentario, ao garantir a súa durabilidade e hixiene.
Terceiro lume
O chamado terceiro lume é unha cocción suplementaria a baixa temperatura (entre os 600 ºC e 900 ºC), empregada para aplicar acabados que non resistirían as temperaturas de gres ou porcelana.
– Permite a incorporación de lustres metálicos (ouro, prata, cobre) que aportan reflexión e singularidade.
– Facilita o uso de calcas cerámicas ou transferencias con motivos gráficos detallados.
– Constitúe unha técnica que amplía os recursos expresivos e confire ás pezas un carácter único.
Enfoque en Raposiñas
No obradoiro Raposiñas, estas técnicas abórdanse dende unha perspectiva práctica e formativa, orientada a que o alumnado adquira coñecementos sólidos tanto do seu uso artístico como das súas implicacións técnicas. Os cursos de cerámica en Galicia que ofrecemos non requiren experiencia previa, mais prestan especial atención á comprensión dos procesos e á experimentación controlada con materiais.
A decoración cerámica é, en definitiva, unha extensión da linguaxe formal da peza: cada acabado responde a decisións técnicas e estéticas que transforman a arxila en obxectos con personalidade, memoria e función.
Regala cerámica artesanal galega este Nadal: pezas únicas de Raposiñas
O Nadal é tempo de encontros, de celebrar coa xente querida e tamén de pensar en pequenos detalles que transmitan cariño. Escoller un agasallo non é só unha cuestión práctica: tamén é unha maneira de recoñecer o traballo feito con calma, coas mans e co oficio. Por iso, regalar cerámica artesanal galega este Nadal é apostar por obxectos con identidade, creados dende a materia e transformados a través da técnica.
A forza da cerámica galega
A cerámica galega consolidouse nos últimos anos como un símbolo da nosa cultura e tamén como un campo de investigación estética e técnica. Cada peza fala da arxila coa que foi modelada, das ferramentas empregadas, da cocción e dos acabados. Regalar unha destas creacións é regalar tamén ese proceso, a transformación da terra en forma útil e fermosa.
Coleccións actuais: Lomba e Mersé
Nos últimos anos, Raposiñas desenvolveu dúas coleccións que amosan a riqueza do material cerámico e a súa conexión co entorno.
– Lomba combina o modelado manual con técnicas dixitais como a impresión 3D. O resultado son vasos, boles e tazas que xogan con xeometrías inspiradas na horta, a aldea e o mar.
– Mersé é unha homenaxe á praia máis próxima ó obradoiro: pezas realistas de cunchas, embarcacións e elementos mariños, elaboradas con moldes e reproducidas en gres, pensadas tanto para decorar como para acompañar a vida diaria na mesa.
Ambas coleccións reflicteno estilo de Loaira e Abelardo Pérez, que mesturan procesos industriais coa tradición artesá, pezas cunha estética contemporánea pero profundamente ligadas ó territorio.
Por que regalar cerámica artesanal este Nadal?
– Porque é sostible: traballada con arxilas nacionais, coccións eficientes e recursos locais.
– Porque é única: cada peza leva as súas variacións, propias do proceso manual.
– Porque é cultural: cada obxecto conecta coa memoria da nosa terra e co oficio cerámico.
– Porque é útil e fermosa: as pezas de vaixela de Raposiñas están pensadas para embelecer o cotío sen deixar de lado a practicidade.
Este Nadal, sorprende con agasallos que conten historias. As coleccións Lomba e Mersé son a mostra de que tradición e experimentación conviven na cerámica galega contemporanea, creando obxectos que permanecen no tempo. O obradoiro Raposiñas forma parte da marca Artesanía de Galicia, garantía de proximidade e calidade productiva.
Regala cerámica artesanal galega este Nadal e leva á túa casa un anaco da Ría de Arousa.
Cursos de cerámica en Galicia: un tempo de concentración creativa
No día a día sempre imos con présa, e poucas veces hai ocasión de parar e facer algo coas propias mans. Nos cursos de cerámica en Galicia que organizamos en Raposiñas, propoñemos xusto iso: un tempo para desconectar, para experimentar novas técnicas plásticas sen présas e deixar que vaian xurdindo as formas.
Traballar coa arxila é aprender un conxunto de técnicas manuais sinxelas pero moi versátiles: rolos, placas, urdido, engobes e vidrados. A través delas descubrimos como a materia se transforma, como se unen as pezas, como se constrúe o volume e como se acadan diferentes acabados. Cada quen pode experimentar ao seu ritmo, sen buscar a perfección, senón entendendo o proceso técnico como unha forma de crear algo honesto e propio.
Onde estamos
Raposiñas é un obradoiro situado na aldea da Lomba, na Pobra do Caramiñal, moi preto da praia e no medio da natureza. Naceu en 2019, inspirado polas lembranzas da infancia, a horta, o mar e a tradición galega. As nosas pezas teñen moito de aldea e algo de industria: formas sinxelas, coidadas, que queren acompañar a vida cotiá.
Que imos facer no curso de cerámica en Galicia
Este curso de iniciación á cerámica artística está pensado para quen queira probar por primeira vez, sen necesidade de experiencia previa. En grupos pequenos, cada persoa pode explorar ao seu ritmo, con apoio técnico e creativo.
Traballaremos con arxilas mediante técnicas manuais —rolo, placas, urdido—, e tamén probaremos a decorar con engobes e vidrados. O obxectivo é que cada quen leve para casa unha peza feita por el mesmo: unha cunca, un prato ou un obxecto decorativo, algo útil e propio.
Por que cerámica
A cerámica ten un ritmo distinto: ao tocar a arxila, a cabeza relaxa e o tempo pasa doutro xeito. Non hai pantallas nin ruído, só o proceso de transformar un anaco de barro nun obxecto. Cada peza é irrepetible, coa súa historia e a súa pegada.
O espírito de Raposiñas
En Raposiñas entendemos a cerámica como unha técnica artística pero tamén como un oficio ligado á terra. Usamos materiais locais, experimentamos con vidrados propios e buscamos sempre un equilibrio entre tradición, sustentabilidade e creación contemporánea. O que máis nos importa é que quen participe no taller poida descubrir esa conexión coa materia e coa súa propia creatividade.
Apuntarse a un curso de cerámica en Galicia non é só aprender unha técnica: é abrir unha fiestra para parar, crear e gozar dun tempo distinto.
Cursos de cerámica en Galicia: crear coas mans, conectar co esencial
Hai algo especial na cerámica. Unha calma que chega mentres amasas a arxila, unha beleza que vai xurdindo a medida que modelas. Quen se achega a este oficio dende cero adoita facelo por curiosidade, por necesidade de expresión ou simplemente por gozar do proceso. Se buscas cursos de cerámica en Galicia, atopar un lugar onde aprender e reencontrarse co tempo lento, coa concentración, coas texturas e cos pequenos detalles que ás veces esquecemos.
Un taller para comezar camiños
En Raposiñas, un obradoiro situado na aldea de Lomba, na Pobra do Caramiñal, propoñemos unha aproximación á cerámica que vai máis alá da técnica. O curso de iniciación á cerámica artística é un espazo compartido, no que cada persoa pode explorar ao seu ritmo, con liberdade e co acompañamento necesario.
Non se require experiencia previa. Só hai que traer curiosidade.
Os grupos son reducidos e o ambiente é tranquilo e coidadoso. Nese contexto, exploramos distintas técnicas manuais de modelado como:
- O urdido con rolos, no que se constrúe a peza unindo tiras alongadas de arxila, coma se fosen cordas.
- A técnica das placas, que consiste en aplanar a arxila en láminas e ensamblalas para formar volumes de obxectos útiles ou decorativos.
Tamén hai espazo para a experimentación creativa con diferentes formas de decoración cerámica, como:
- Engobes, que son arxilas mesturadas con pigmentos minerais aplicados sobre a peza crúa para aportar cor e textura.
- Vidrados, que consiste en cubrir a peza cunha capa mineral que vitrifica no forno a alta temperatura (), creando acabados mates, brillantes ou satinados.
- Técnicas de terceiro lume, onde se engaden detalles decorativos despois de ter rematado a peza, mediante o emprego de aceites hidrosolubles e óxidos vitrificables ou calcas cerámicas recortables.
Todo está incluído: materiais, ferramentas e, sobre todo, un espazo para aprender sen présa, nun entorno no que o erro tamén forma parte do proceso.
Aprender cerámica entre natureza e valores
Este curso non é só unha introdución ao oficio. É tamén unha oportunidade para vivir a cerámica dende outro lugar.
Raposiñas é un obradoiro artesanal en plena natureza, onde cada peza fala da terra e da calma que aquí nos rodea. Traballamos con atención personalizada, acompañando de preto cada proceso, e apostamos por unha metodoloxía creativa e libre, que anima a expresarse sen normas ríxidas.
Facemos cerámica con conciencia: empregando materias naturais, cocendo paseniño e producindo de xeito sostible. Todo baixo os valores de Artesanía de Galicia, que avala a autenticidade do noso traballo.
Se che resoa
Quizais sempre quixeches probar. Ou simplemente eres unha persoa creativa. Ou precisas parar un intre para concentrarte e aprender a facer algo novo coas mans. Se ese é o caso, aquí hai un lugar preparado para iso.
Cerámica artesanal para hostalería: pezas para unha experiencia gastronómica
Na aldea, rodeadas de natureza e memoria, en Raposiñas deseñamos e creamos cerámica artesanal para hostalería, pensada para sorprender tamén nas mesas dos restaurantes. O noso camiño comezou co desexo de elaborar obxectos coidadosos, honestos e fermosos, e axiña descubrimos que a cerámica utilitaria —a que usamos a diario— é un vehículo perfecto para unir arte, funcionalidade e emoción.
Cerámica para restaurantes: comemos tamén cos ollos
Sempre sentimos interese pola cerámica pensada para o uso cotián: pratos, cuncas, vasos… Pezas que acompañan momentos íntimos ou celebracións compartidas. Co paso do tempo, e grazas á riqueza gastronómica de Galicia, decidimos dar un paso máis: colaborar con profesionais da restauración para deseñar vaixelas únicas, adaptadas ao estilo e personalidade de cada cociña.
Porque sabemos que, nun prato, non todo é sabor: tamén importa a textura, a cor, a presentación. A cerámica artesanal para hostalería permite elevar a experiencia dun comensal, transmitindo valores coma a identidade, o coidado e a orixe.
Deseños exclusivos e feitos a man
Cada colaboración comeza cunha conversa: que precisas? Que queres transmitir? Que tipo de peza vai a conter as túas ideas? A partir desa información, propoñemos modelos personalizados, tanto a partir do noso catálogo como deseñando pezas novas dende cero.
Ofrecemos dúas liñas principais:
- Colección Lomba: liñas xeométricas e formas contemporáneas inspiradas na natureza.
- Colección Mersé: pezas máis escultóricas, con referencias ao mar e á tradición galega, ideais para presentacións sorprendentes.
No obradoiro traballamos con greses, porcelanas e arxilas, e fabricamos os nosos propios vidrados a partir de materias primas naturais como o feldespato, o caolín o cuarzo ou as cinzas, inspirándonos sempre na paisaxe que nos rodea. As nosas coccións imitan procesos xeolóxicos e buscan texturas únicas, sensoriais e agradables ao tacto.
Cada peza elabórase de forma totalmente artesanal e recibe a nosa atención personalizada durante todo o proceso. Isto permite dispoñer dunha vaixela diferente, funcional e resistente, pero tamén emocional e chea de carácter.
A beleza do imperfecto: cerámica con alma
A cerámica de Raposiñas non busca a perfección industrial e, aínda que traballemos moito coas xeometrías, reivindicamos a beleza do orgánico, do irregular e o feito con calma. Cremos que a vaixela tamén pode contar unha historia, reforzar a mensaxe dunha cociña e emocionar aos comensais.
Ademais, sabemos que cada detalle importa dentro dun proxecto: por iso, ofrecemos opcións de personalización en tamaños, formas e acabados.
Descubre as coleccións máis populares da nosa tenda online.
Cerámica feita na aldea, pensada para ti
Se es chef ou hostaleiro/a e queres levar a túa proposta gastronómica a outro nivel, invitámoste a coñecer o noso traballo. En Raposiñas ofrecemos vaixelas de cerámica artesanal para hostalería feitas con amor, técnica e respecto polos materiais. Todas as nosas creacións contan coa xa recoñecida calidade da artesanía galega certificada pola marca Artesanía de Galicia.
Contacta connosco e axudámoste a crear a vaixela perfecta para o teu negocio.
Déixate sorprender pola cerámica feita a man, dende a aldea, con alma galega.
Cerámica artesanal galega dende a aldea
No mundo da decoración, as modas van e veñen. Porén, hai unha que chegou para quedar: a cerámica artesanal galega. Máis alá da súa funcionalidade, estas pezas convertéronse en protagonistas do fogar, combinando historia, sensibilidade e estética. En Raposiñas traballamos dende a aldea con paixón e coidado, apostando polo feito a man e a conexión co noso territorio.
Que é a cerámica artesanal galega?
A cerámica artesanal galega vai mais alá dun conxunto de obxectos. É o resultado dun proceso lento, consciente e profundamente humano. En Raposiñas partimos de conceptos tan nosos como a casa, a horta, a choiva ou a memoria. Cada peza fala da terra, da man que a modela e do tempo que se lle dedica.
Formamos parte do ecosistema de Artesanía de Galicia, unha iniciativa que promove o feito a man e a identidade do territorio.
Un obradoiro creativo con raíces no rural costeiro
Raposiñas naceu no ano 2019 como resultado dun proxecto de fin de mestrado e unha proposta de emprendemento rural. Situado en A Lomba, A Pobra do Caramiñal, este obradoiro xorde co propósito de embelecer a cotiandade de forma sustentable e pausada.
O equipo está formado por:
- Loaira Pérez, graduada en Belas Artes e responsable do deseño e cocción das pezas.
- Abelardo Pérez Santiago, delineante industrial que transforma as ideas en formas.
- Melo Pérez, diplomado en economía e encargado da xestión e administración.
Nun lugar sen tradición oleira previa, conseguimos achegar valor engadido á nosa comunidade, integrando a historia local nas pezas que ofrecemos.
Por que escoller cerámica artesanal na decoración?
Cada vez máis persoas valoran o auténtico, o único e mesmo o imperfecto. A diferenza da cerámica producida en masa, onde todas as pezas son iguais, a nosa cerámica posúe unha beleza singular que reside nas pequenas variacións de cada obxecto.
As nosas coleccións están compostas por cuncas, vasos, boles e ámboas de formas orgánicas, liñas sutís e decoracións primitivas, cun tacto pétreo moi característico. Cada peza é unha historia que podes levar contigo.
Descubre as coleccións máis populares da nosa tenda online.
Pezas sostibles e innovadoras
Dende o bosquexo ata o vidrado final, cada peza é elaborada con coidado e respecto. Emprégase gres e minerais e arxilas da contorna, combinando a tradición coa innovación.
- Recollemos e empregamos materiais da natureza próxima e de minería de proximidade.
- Deseñamos os prototipos mediante modelado dixital e impresión 3D ou modelado manual de cera.
- Elaboramos moldes de xeso, repasamos as pezas a man e elaboramos e aplicamos vidrados a pincel.
Este equilibrio entre artesanía tradicional e ferramentas contemporáneas dálle ás nosas creacións unha identidade propia e coherente co noso tempo.
O valor do feito a man
O movemento handmade está a revolucionar o consumo: buscamos produtos con valores, conexión e identidade. A nosa cerámica é unha aposta polo local, o sostible e o feito con tempo.
Ademais, en cada peza hai un compromiso co medio e co entorno. Traballamos mes a mes para mellorar o proceso, aprender das mestres do oficio e seguir evolucionando dende a nosa realidade rural.
A nosa proposta dende a aldea
En Raposiñas queremos que a túa casa conte tamén a túa historia. Por iso, cada peza que sae do noso obradoiro é unha homenaxe á natureza, á memoria e á arte de vivir con sensibilidade.
Se queres descubrir obxectos únicos e con alma, entra na nosa tenda online e déixate conquistar pola cerámica artesanal galega feita con paixón e respecto.
Descubre a cerámica artesanal galega feita na aldea: pezas únicas, sostibles e con alma que embelecen a túa vida cotiá.
